ರಾಯಲ್ಸ್​ಗೆ ಸೋಲುಣಿಸಿದ ಕ್ಯಾಪಿಟಲ್ಸ್​ : ಮುಂಬೈ ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿದ ಶ್ರೇಯಸ್​ ಪಡೆ!

ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ರಾಜಸ್ಥಾನ ರಾಯಲ್ಸ್​ ವಿರುದ್ಧ ಭರ್ಜರಿ ಜಯ ದಾಖಲಿಸಿದೆ. ಈ ಮೂಲಕ ಶ್ರೇಯಸ್ ಅಯ್ಯರ್​​​ ಪಡೆಯು 6 ಪಂದ್ಯಗಳಲ್ಲಿ 5ನೇ ಗೆಲುವು ಸಾಧಿಸಿದಂತಾಗಿದೆ.

ಶಾರ್ಜಾ: ಎಲ್ಲಾ ವಿಭಾಗಗಳಲ್ಲೂ ಅದ್ಭುತ ಪ್ರದರ್ಶನ ತೋರಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ರಾಜಸ್ಥಾನ ರಾಯಲ್ಸ್​ ವಿರುದ್ಧ 46 ರನ್​ಗಳಿಂದ ಗೆಲುವು ಸಾಧಿಸಿ ಅಂಕ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.

185 ರನ್​​ಗಳ ಗೆಲುವಿನ ಗುರಿ ಪಡೆದ ಸ್ಟಿವ್​ ಸ್ಮಿತ್​ ಪಡೆ, ಆರಂಭದಿಂದಲೂ ವಿಕೆಟ್​ ಕಳೆದುಕೊಳ್ಳುತ್ತ ಸಾಗಿತು. ಆರಂಭಿಕ ಆಟಗಾರ ಜೋಸ್​​ ಬಟ್ಲರ್​ ಕೇವಲ 13 ರನ್ ಗಳಿಸಿ ಶಿಖರ್​ ಧವನ್​ ಪಡೆದ ಅದ್ಭುತ ಕ್ಯಾಚ್​ಗೆ ಬಲಿಯಾದರು. ಇನ್ನೊಂದೆಡೆ ಯುವ ಆಟಗಾರ ಯಶಸ್ವಿ ಜೈಸ್ವಾಲ್​ ನಿಧಾನಗತಿಯ ಬ್ಯಾಟಿಂಗ್​ ನಡೆಸಿ 34 (36 ಎಸೆತ) ರನ್​ಗೆ ಔಟ್​ ಆದರು.

ಬಳಿಕ ನಾಯಕ ಸ್ಮಿತ್​ ಕೊಂಚ ಪ್ರತಿರೋಧ ತೋರಿದರೂ 24 ರನ್​ ಆಗಿದ್ದಾಗ ಹೆಟ್ಮಾಯರ್​ಗೆ ಕ್ಯಾಚ್​ ನೀಡಿ ಹೊರನಡೆದರು. ನಂತರ ರಾಹುಲ್​ ತೆವಾಟಿಯಾ (38) ಹೊರತುಪಡಿಸಿ ಉಳಿದ ಯಾವುದೇ ಬ್ಯಾಟ್ಸ್​ಮನ್​ಗಳು ಎರಡಂಕಿ ಮೊತ್ತವನ್ನೂ ತಲುಪಲಿಲ್ಲ. ಅಂತಿಮವಾಗಿ ರಾಯಲ್ಸ್​ 19.4 ಓವರ್​ಗಳಲ್ಲಿ 138 ರನ್​ಗೆ ಸರ್ವಪತನ ಕಾಣುವ ಮೂಲಕ 46 ರನ್​ಗಳಿಂದ ಸೋಲುಂಡಿತು.

• That's that from Sharjah. @DelhiCapitals register a 46-run win over #RR in Match 23 of #Dream11IPL.#RRvDC pic.twitter.com/jHll4x76yG

  — IndianPremierLeague (@IPL) October 9, 2020 " class="align-text-top noRightClick twitterSection" data="

  That's that from Sharjah. @DelhiCapitals register a 46-run win over #RR in Match 23 of #Dream11IPL.#RRvDC pic.twitter.com/jHll4x76yG

  — IndianPremierLeague (@IPL) October 9, 2020

  ">

  That's that from Sharjah. @DelhiCapitals register a 46-run win over #RR in Match 23 of #Dream11IPL.#RRvDC pic.twitter.com/jHll4x76yG

  — IndianPremierLeague (@IPL) October 9, 2020

ಕ್ಯಾಪಿಟಲ್ಸ್ ಪರ ರಬಾಡಾ 3, ಅಶ್ವಿನ್ ಹಾಗೂ ಸ್ಟೋನಿಸ್ ತಲಾ 2, ನಾರ್ಟ್ಜಿ, ಹರ್ಷಲ್​ ಪಟೇಲ್​ ಹಾಗೂ ಅಕ್ಷರ್​ ಪಟೇಲ್​​ ಒಂದೊಂದು ವಿಕೆಟ್​ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು.

ಇದಕ್ಕೂ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ನಡೆಸಿದ ಡೆಲ್ಲಿ ಕ್ಯಾಪಿಟಲ್ಸ್​​​ ಮಧ್ಯಮ ಕ್ರಮಾಂಕದಲ್ಲಿ ಸ್ಟೋನಿಸ್ ​39, ಹೆಟ್ಮಾಯರ್ ಗಳಿಸಿದ ​​45 (24 ಎಸೆತ) ರನ್​ಗಳ ನೆರವಿನಿಂದ ರಾಜಸ್ಥಾನ ತಂಡಕ್ಕೆ 185 ರನ್​​ಗಳ ಗೆಲುವಿನ ಗುರಿ ನೀಡಿತ್ತು.

ಆರಂಭಿಕರಾದ ಶಿಖರ್​ ಧವನ್ ​5, ಪೃಥ್ವಿ ಶಾ 19 ರನ್ ​ಗಳಿಸಿ ವಿಕೆಟ್​ ಒಪ್ಪಿಸಿದರು. ಬಳಿಕ ಬಂದ ನಾಯಕ ಶ್ರೇಯಸ್ ​(22) ಉತ್ತಮ ಬ್ಯಾಟಿಂಗ್​ ಮಾಡುವ ಭರವಸೆ ನೀಡಿದ್ರೂ ಕೂಡ ರನೌಟ್​​ಗೆ ಬಲಿಯಾದರು. ಇದರ ಬೆನ್ನಲ್ಲೇ ಪಂತ್​ (5) ಕೂಡ ರನೌಟ್ ಆಗಿ ಪೆವಿಲಿಯನ್​ ಸೇರಿದರು. ಇನ್ನುಳಿದಂತೆ ಹರ್ಷಲ್ ಪಟೇಲ್ 16​, ಅಕ್ಸರ್ ಪಟೇಲ್ 17 ರನ್ ಬಾರಿಸಿ ತಂಡದ ಮೊತ್ತವನ್ನು 184 ರನ್​ಗೆ ಕೊಂಡೊಯ್ದರು.

ರಾಜಸ್ಥಾನ ಪರ ಜೋಫ್ರಾ ಆರ್ಚರ್​​ 3 ವಿಕೆಟ್ ಪಡೆದರೆ, ಕಾರ್ತಿಕ್ ತ್ಯಾಗಿ, ಆಂಡ್ರೋ ಟೈ ಹಾಗೂ ರಾಹುಲ್ ತೆವಾಟಿಯಾ​ ತಲಾ 1 ವಿಕೆಟ್​ ಗಳಿಸಿದರು.

ಈ ಜಯದ ಮೂಲಕ ಶ್ರೇಯಸ್​ ಪಡೆಯು 6 ಪಂದ್ಯಗಳಲ್ಲಿ 5ನೇ ಗೆಲುವು ಸಾಧಿಸಿದಂತಾಗಿದೆ. ಒಟ್ಟಾರೆ 10 ಪಾಯಿಂಟ್​ಗಳೊಂದಿಗೆ ಅಂಕಪಟ್ಟಿಯಲ್ಲಿ ಮುಂಬೈ ಇಂಡಿಯನ್ಸ್ ತಂಡವನ್ನು ಹಿಂದಿಕ್ಕಿ ಅಗ್ರಸ್ಥಾನವನ್ನು ಅಲಂಕರಿಸಿದೆ.